Cabeza
de Artista
Instalazioen eta ekintzen artean lan egin ohi duen talde bat da. Haien obran oso presente daude haien erro sozial eta kulturalak, eta, testuinguru horren baitan, praktikaren funtsezko ardatza da parte-hartzea. Sare sozial, politiko eta kulturalari hertsiki lotuta daude. Begirada kritiko eta konprometitu batez, gai hauek jorratu dituzte, besteak beste: artearen merkantilismoa, armen trafikoa, migrazioak eta artistaren identitatea.
Ez dugu arte-objektua objektu salgarri, merkaturagarri (...) gisa planteatzen. Ez dugu objektu artistikoa mespretxatzen, hori ez da kontua, baina ez dugu uste helburu bat denik, hausnarketara gonbidatzeko bitarteko bat baizik.
Arte politikoa eta artibismoa
Arte politikoa eta artibismoa
Lanak
Proposamen
didaktikoak
Helburuak
Taldean pentsatzeko instalazioak
Talde artistiko bat sortuko dugu eta hainbat ekintza diseinatuko, partekatzen dugun arazo edo gatazka bati buruzko hausnarketa eta analisia sustatzeko.
Cabeza de Artista taldearen obrara eta lan-prozesuetara hurbiltzea.
Instalazio edo ekintza parte-hartzaile bat diseinatzea, sormenezko ariketa politiko gisa.
Taldean egindako lanaren (adostasunak eta desadostasunak) balioa nabarmentzea, ikasketa-prozesu garrantzitsu gisa.
Inguruan dugunari buruz hausnartzea artearen bidez
Gehiago jakin
Patxi Aldunate (Iruñea, 1965) eta Alfredo Murillo (Iruñea, 1973). Arte Ederretan lizentziadunak dira UPV/EHUn. 2004tik elkarrekin aritu dira Cabeza de Artista izeneko taldean. Kultur ekimen batzuetako kide izan dira, hala nola Artamugarriak. Taldekako zein banakako hainbat erakusketatan hartu dute parte, Nafarroan batik bat: Uharteko Arte Garaikideko Zentroan, Nafarroako Gobernuaren Landarten, Iruñeko Zitadelan, Apaindu galerian, etab.
Beste begiradak
Cabeza de Artista-ren jarduerak agerian uzten du konprometituta dagoen lankidetzako artearen adimen politikoa.
Talde batzuek sintonia lineal eta programatiko batetik egiten dute lan denboran zehar, eta beste batzuek (bikote hau, kasu) asimetria intelektual eta estetiko desafiatzaile batetik eraikitzen dute beren osagarritasuna, desberdintasun hori baita, hain zuzen ere, haien motorra. Bestearekiko harridura mantentzen den bitartean, lankidetzak funtzionatu egingo du eta Cabeza de Artista bezalako emaitza harrigarriak sortuko dira hartatik.
Esku hartzen duen arte bizi baten bidez, "material pobre" eta birziklatuei lotua, eta "objektuari baino, mezuari lotuago [dagoena], etorkizunerako monolito gisa", sortzaile nafarrek Apaindu espazioa eraldatu egin dute instalazio apurtzaile eta ganberro batekin, zeinak punkaren arima berpizten baituen eta premia asko zalantzan jartzen baitituen.
