Maite
Redondo
Diziplina anitzeko artista, baliabide, teknika eta sormen-prozesu askorekin lan egiten duena. Obra gehiena ikus-entzunezkoen eremuan garatzen duen arren (esperimentazio/saiakera formatuan zein dokumentalean), pintura-teknikei eta sormen-prozesu kolektiboei ere heltzen die. Hainbat ahots edo ikuspuntu biltzea eta horiekin kontakizun koralak sortzea da bere lanaren ezaugarri nagusiena. Paisaiaren eta lanaren kontzeptuak zeharkakoak dira bere proiektuetan, eta teoria kritikoan oinarritzen diren ikerketetatik abiatzen dira, perspektiba antirrazistetatik, feministetatik eta ekologikoetatik.
"Historiak eraikitzeko dauden moduak arakatzea gustatzen zait."
Paisaia korala
Paisaia korala
Lanak
Proposamen
didaktikoak
Helburuak
20 segundu (20”)
Ez dugu berdin jokatzen leku guztietan. Espazio batzuek isilik egotera behartzen gaituzte, beste batzuek berriz, oihu egitera edo mugitzera. Nork esaten digu nola jokatu? Horrelakorik gertatzen al da eskolako espazioetan? Ba al dago eraldatu nahi genukeen zerbait?
Eskolako espazioetara hurbilduko gara, gure ohiturak eta jokatzeko moduak birpentsatu eta paisaia horiek eraldatuko dituzten esku-hartze artistikoak burutzeko.
Maite Redondo-ren obra eta sormen/ikerketa prozesuetara hurbiltzea.
Espazio publiko eta pribatuei buruz hausnartzea, espazioaren izaerak haren erabileran duen eraginari buruz hausnartzea eta paisaia eraldatzen duten esku-hartze artistikoak gauzatzea.
Mugikorrak eskeintzen dituen ikus-entzunezko aukerekin lan egitea.
Gehiago jakin
Iruñea, 1989. Arte Ederretan eta Sormenezko zinema-dokumentalean trebatu da. Bere ibilbidean zehar, sortzeari eskainitako hainbat sari eta laguntza jaso ditu, hala nola arte plastiko eta bisualak sustatzeko laguntza, Uharte Zentroak emana, eta Gazte Artearen Topaketak. Kamerari eta editore gisa lan egiten du ikus-entzunezko proiektuetan eta zineman, taldean eta bere kabuz, eta ekitaldi eta jarduerak dokumentatzen ditu.
Artistaren webgunea
Beste begiradak
Apuntes del pequeño jardín del Edén proiektuak (...) zahartzaroa, haren ahotsak eta haren irudikapenak ditu aztergai. Bere gaztetasunetik ekiten dio gaiari, eta horregatik interesatzen zaio belaunaldiarteko elkarrizketa egotea. Halaber, arreta eskaintzen dio funtsezko etapa horren dimentsio sozialari.
Ezarritako iruditeria birpentsatzeko eta zalantzan jartzeko edo saiakera antropologikoak irudikatzeko interesatzen zaio hizkera zinematografikoa erabiltzea.
