Atal honetan proposamen didaktiko batzuk erakusten dira. Arte-hezkuntzako profesionalek diseinatutako tresnak dira, artisten sormen-prozesuak eskoletan edota beste hezkuntza-testuinguruetan erabiltzeko.
Identitatearen
pisua
Gure identitate ofiziala aztertuko dugu, fiktizia berri batean pentsatzeko. Zer identitate (bat edo hainbat) sortzen dugu guk, eta zein edo zeintzuk sortzen ditu sistemak?
Helburuak
Bizi garen sistema ekonomiko eta politikoak identitatea eraikitzeko dituen mekanismoak aztertzea, eguneroko espazioetatik abiatuta.
Disidentzia identitariorako espazio bat sortzea.
Eguneroko errealitatea erabiltzea, eraikuntza identitario kontziente baterako agertoki gisa.
Identitate digitalaren kontzeptua eta datuak sarean lantzea.
Graffiti Digital Colectivo
(Video Mapping)
Zer esan nahi diote ikasleek munduari? Nola formulatu ditzakete mezu horiek, bai testualki, bai modu bisualean? Zein aukera ematen dizkigu teknologia digitala, ikusizko arteak, graffitia eta, zehazkiago, Txo!?- ren lana eta haren bideo-mapping arkitektonikoko sorkuntzak elkartzeak?
Helburuak
Arte digitalak, hirikoak eta komunitarioak ikastetxeetan ikus- eta komunikazio-proposamen ez tradizionalak sortzeko dituzten aukerak aztertzea.
Hori guztia graffiti digitaleko/bideo mapping kolektiboko eskuhartzeak diseinatzeko, ikasleek beren gainerako ikastetxeekin, auzoarekin eta/edo gizartearekin, oro har, partekatu nahi dituzten mezuak eta esperientziak ezagutarazteko.
Konkista-
istorioak
Gure gorputzetako zauri-marretatik abiatuta, gure lurralderik hurbilekoenaren mapa bat sortuko dugu.
Helburuak
Argazkia adierazpen eta dokumentazio tresna gisa lantzea.
Gure gorputzetatik abiatuta, proposamen estetiko bat sortzea.
Emozionaletik gure eguneroko lurraldeaz gogoeta egitea.
Elefante bat
eskolan
Behar diren estrategiak diseinatzea, gainerako ikasleei sinestarazteko eskolan edo institutuan elefante bat ezkutaturik dagoela.
Helburuak
Gure eguneroko ingurunearen, enpatiaren eta harremanetarako gaitasunaren behaketa sustatzea.
Ironia, absurdua eta umorea gogoeta egiten laguntzen diguten sormenezko estrategiak direla aintzat hartzea.
Elkarlanaren balioa nabarmentzea, arteetatik heldu diren estrategiak landuz.
Ekintza artistiko kolektibo bat sortzea.
Familia
album
partekatua
Familia-album bateratu bat sortuko dugu erakusketa gisa, gure familia-iraganetik etorritako argazkiak, abestiak eta atzemandako beste ondare-elementu batzuk erabiliz.
Helburuak
Norberaren familia-iraganari buruzko ikerketa egitea eta harekin nahastea sormen-prozesuen bidez.
Ondare inmateriala aitortzea eta hari balioa ematea, arlo pertsonaletik kolektibora.
Sortutako materialekin erakusketa bat sortzea.