Atal honetan proposamen didaktiko batzuk erakusten dira. Arte-hezkuntzako profesionalek diseinatutako tresnak dira, artisten sormen-prozesuak eskoletan edota beste hezkuntza-testuinguruetan erabiltzeko.
Su motelezko erretratuak
Teknika bat baino gehiago eta denbora desberdinak erabilita, erretratuak egingo ditugu, eta, elkar ezagutze aldera, garrantzia emango diogu inguratzen gaituenari, materialei, objektuei, tokiei edo pertsonei.
Helburuak
Angela Morenoren obrara eta lan-prozesuetara hurbiltzea.
Sormen-prozesuetan ikerketari eta esperimentazioari eskaintzen zaion denboraren garrantzia azpimarratzea.
Hainbat material eta teknikarekin esperimentatzea, hala nola collagearekin edo grabatuarekin, banaka eta elkarlanean.
Erretratua ikertzea, haren inguruan hausnartzea eta genero garaikide gisa erabiltzea norberaren nortasuna eta besteena lantzeko.
Besarkada
Eskultura bat sortuko dugu erabilitako eta aurkitutako objektu batzuetatik abiatuta; inguruan ditugun ohiko gauzak hartuko ditugu mundu poetikora eramateko. Pieza horri lagunduko dion beste pieza bat sortuko dugu soberako materiarekin. Besarkada literal edo metaforiko baten bidez lotuko ditugu biak.
Helburuak
Elena Aitzkoaren obrara eta prozesuetara hurbiltzea.
Eskulturarekin eta performancearekin esperimentatzea.
Eskulturaren zati beteekin eta hutsuneekin lan egitea.
Sormen-prozesuen afektuaren balioa azpimarratzea.
Zinemazaleak
Hiri batean barna ibiltzen garenean, pentsatzen dugunak ez du zerikusirik ikusten dugunarekin. Kalera irtengo gara, eta testua eta irudia ausaz lotuko ditugu, ustekabeko istorioak kontatuko dituen konposizio bat eraikitzeko.
Helburuak
Xabier Idoateren obrara eta prozesuetara hurbiltzea.
Irudia eta testua konbinatuz esperimentatzea.
Zoriarekin eta arbitrariotasunarekin lan egitea.
Argazkien orrazketa digitalak digitalaren aukerak aztertzea.
Taldekako lana sustatzea obra bat egiteko.
Hedagarria eta moldagarria den artelan bat.
Mikel Cabrerizoren lanetatik eta egiteko moduetatik abiatuko gara artearen nozioari buruz hausnartzeko, eta originaltasunaren eta jeniotasunaren kontzeptuetan sakontzeko. Mundu artistikoaren irudi ikonikoak beste testuinguru, formatu eta gorputz batzuetara eramango ditugu, zentzu eta erabilera berriak emanez eta gure errealitateetara hedatuz.
Helburuak
Mikel Cabrerizoren obrara eta lan-prozesuetara hurbiltzea.
Artearen nozioa zabaltzea, artelanei buruz dugun ideia geldia (jatorrizko objektu eder eta bakarra direla, alegia) haustea.
Kontzeptuzkoa eta ludikoa dena oinarri hartuta, bizitza eta artea konektatzeko teknika, prozedura eta moduak esperimentatzea.
Umorea eta jabetzea erabiltzea arte-sorkuntza garaikideko estrategia gisa.
Elkarrekin ogi moldatzea - Batak bestea jatea
Ogia izango da gure abiapuntua, oinarrizko elikadura-eskubide gisa eta ahalmen sinbolikoak dituen elementu gisa. Abegi onari eta lankidetzari buruzko esperimentazio bat proposatuko dugu, gizakien, ez gizakien eta bizi garen lurraren arteko harremanak birpentsatzeko.
Gaztelaniazko “hacer buenas migas” (ongi moldatu) esapidetik abiatuko gara, non beste norbaitekin partekatutako denbora eta ogia diren harreman baten oinarri. Beste pertsonak eta ingurunea asimilatzeko zeremonia bat proposatuko dugu, zentzumenak irekitzeko eta elikagai hartzituak partekatzeko.
Helburuak
Sara Garcíaren obrara eta prozesuetara hurbiltzea.
Abegi onaren eta lankidetzaren ideiei buruz hausnartzea.
Ogiaren adierazpen-, diskurtso- eta estetika-aukeretan sakontzea.
Hartzidura sartzea ikasteko metodologia eta tresna gisa.
Elikagaien industriari buruz hausnartzeko gune bat sortzea.
Taldekako lana sustatzea obra bat egiteko.
Etxeko objektuak, eraldatuta.
Etxeko objektuak edo elementuak aldatu egingo ditugu hainbat material, keinu eta ekintzaren bidez, funtzionaltasuna galdu eta beste forma, kolore edo esanahi batzuk har ditzaten.
Arretaz jokatuz, geure eskultura-piezak sortuko ditugu.
Helburuak
Mayte Vélazen obrara eta lan-prozesuetara hurbiltzea.
Gure eguneroko espazioko objektuak eta altzariak erabiltzea sorkuntza-prozesuaren abiapuntu gisa, edozein elementu erabil baitaiteke sormen-material gisa.
Lan-prozesu esperimentalak bizitzea, sentsazioen, keinuen eta ekintzen fluxuan zehar igaroz eta material bakoitzaren aukerak aztertuz.
Ibili eta sortu: egunerokotik ohiz kanpokora
Munduaren ohiz kanpoko irudiak sortuko ditugu collagea, animazioa edo antzeko teknikak erabiliz, munduaren aparteko irudiak sortuko ditugu. Abiapuntu gisa, eguneroko ingurunea eta bertan aurkitzen ditugun elementuak arretaz behatuko ditugu. Paseatzea eta sortzea batera joango dira gure errealitate hurbila berraurkitu eta berrasmatzeko prozesu honetan.
Helburuak
Marisa Mantxolaren obrara eta lan-prozesuetara hurbiltzea.
Ibiltzea eta deribak gure ingurunea behatzeko eta aztertzeko metodo gisa erabiltzea.
Elementu oro, baita arruntena ere, modu sortzailean erabil daitekeela ohartzea munduaren ikuspegi berriak sortzeko.
Irudiak sortzeko teknika eta estrategiekin esperimentatzea, hala nola collagea edo animazioa, eta ulertzea irudi oro eraikuntza bat dela.
Modaren bizitza erabilgarria
Arte bizien proiektua, egunerokotasunean erabiltzen ditugun modako objektuen bizitza baliagarrian dauden tentsioak eta indarkeriak aztertzen dituena.
Helburuak
Laida Azkonaren obrara eta prozesuetara hurbiltzea.
Gure eguneroko bizitzan dauden modako objektuen eta kolonialismo garaikidearen forma berrien arteko harremana aztertzea.
Modaren kultura materialean dauden kontakizun hegemonikoak zalantzan jartzea.
Ehundu eta desehundu: ekintza eta aldarrikapena
Peneloperen mitoa eta ehun bat egitea abiapuntutzat hartuta, ehungintzaren munduan murgilduko gara, zeina tradizioz emakumeei egotzi zaien, eta haren balioa eta espresio-aukerak aldarrikatuko ditugu talde-ekintza baten bidez.
Helburuak
Celia Eslavaren obrara eta lan-prozesuetara hurbiltzea.
Ehungintza-lanei buruz ikertzea hainbat mailatan (teknikoa, sinbolikoa) eta hainbat testuingurutan (etxekoa, artistikoa, ekonomikoa).
Ehun-gaiek eskaintzen dituzten aukerak lantzea ikuspegi garaikide eta feminista batetik.
Genero-rolei buruz hausnartzea, ikuspegi kritikotik zalantzan jarriz.
Lerroa mintzatzen denean: marrazketaren bidez unibertso pertsonalak sortzea
Marrazketaren eta marrarekin esperimentatzearen bidez, esplorazio-prozesu batean murgilduko gara: idazteko, irakurtzeko, pentsatzeko, behatzeko edo marrazteko eta geure lerroa eta ahotsa bilatzeko espazio-denbora bat.
Helburuak
Mireya Martín Larumberen obrara eta lan-prozesuetara hurbiltzea.
Marrazketarekin esperimentatzea, introspekzio eta adierazpen pertsonalerako tresna gisa.
Hainbat hizkera harremanetan jartzean sortzen diren adierazpen-, diskurtso- eta estetika-aukeretan sakontzea.
Sormenezko esperientzia bat bizitzea hurbileko iturrietatik, norberaren interesetatik eta gure ikusizko kulturaren elementuetatik elikatuz.